Hamza: Jasharët nuk e mbrojtën vetëm pragun e shtëpisë, por edhe dinjitetin e shqiptarëve

13:32 | 5 Mars 2025
E.G

Kandidati për kryeministër nga PDK, Bedri Hamza tha se nga sot, me krenari i kujtojmë ditët e lavdisë dhe krenarisë kombëtare, ditët e heroizmit dhe sakrificës së madhe të komandantit Adem Jashari dhe familjes së tij.

Hamza tha se Jasharët nuk e mbrojtën vetëm pragun e shtëpisë, por e mbrojtën dinjitetin e shqiptarëve, shkruan Arbresh.info.

“Angazhimi i tyre për lirinë ishte një thirrje e vazhdueshme për rezistencë. Një thirrje për t’u ngritur kundër padrejtësive dhe për ta mbrojtur atdheun tonë. Ata, kësaj thirrjeje, i dhanë përgjigje jo me fjalë, por me jetët e tyre!”, u shpreh ai.

“Duke punuar me nder, me integritet e dinjitet për një Kosovë më të mirë, ne i nderojmë edhe të rënët për lirinë dhe pavarësinë tonë. Sot e përgjithmonë, UÇK-ja është vlera që duhet t’i flasë çdo gjenerate! Nder e lavdi për komandantin Adem Jashari dhe familjen Jashari!”, ka shkruar mes të tjerash Hamza../Arbresh.info/